Tabbatarwa: #TABATARWA 21 GA YULI. Na tabbatar a kan KingsChat Web

Devotional

DARIYA TA ATOMATIK - FASTO CHRIS OYAKHILOME. Yana da wahala a yi dariya musamman idan babu wani dalili. Mutane suna dariya idan suna jin dadi ko farin ciki. Amma yin dariya a lokutan wahala magani ne da zai dauke ka daga inda kake zuwa inda kake nufi. Dariya makami ne. Kada ka jira ka fara jin dadi kafin ka yi dariya, a gaskiya, shaidan kwararre ne wajen yin da kuma sarrafa abubuwan da za su hana ko tsayar da dariyarka, saboda haka wasu mutane sun yarda cewa akwai ranakun da suka fi muni da kuma ranakun da suka fi kyau. Karya ne. Kowace rana rana ce da UBANGIJI ya yi domin ka FARANTA da kuma FARIN CIKI. Zabura 118:24. Wannan shine dalilin da yasa wannan sakon yake da matukar muhimmanci. Dariya ta atomatik ita ce yin dariya ko kana jin kamar yin hakan ko a'a; ba tare da wani dalili ba, Dauda ya san wannan sirrin, ba abin mamaki ba ne lokacin da yake cikin matsala, littafin ya ce, Ya karfafa kansa a cikin UBANGIJI. Yanzu lokaci ne da za ka karfafa kanka ka yi dariya. Ka iya tunanin yana da wahala, amma kana bukatar ka fahimci cewa farin ciki ne ke kawo mafita ga matsaloli. Farin ciki ne ke haifar da wahayi don mafita. Wannan mafita tana kusa fiye da yadda kake tunani. Kana bukatar ka fara koyon dabi'ar dariya ta atomatik don gano ta. Lokacin da ka fara yin dariya ta atomatik, kana haifar da farin cikin UBANGIJI da ke cikin ka. Na cika da farin ciki yayin da nake rubuta wannan saboda yanzu ka fi shaidan wayo. YI DARIYA YANZU. WATAN FARIN CIKINKA NE!