Thibitisho la Mafunzo: #THIBITISHO 20 AGOSTI. Ninatangaza kwenye KingsChat Web

Devotional

MSIFU YEYE...HAIJALISHI NINI! ~ MCHUNGAJI CHRIS OYAKHILOME.

Kwa hiyo nitakushukuru, Ee BWANA, kati ya mataifa, na kuimba sifa kwa jina lako (Zaburi 18:49).

Daima, ni muhimu kwamba tujifunze kumshukuru Bwana kwa mambo yote mazuri tunayopitia, na pia kwa yale mambo ambayo huenda hatuyachukulii kuwa mazuri sana. Watu wengine huwa na furaha na kumshukuru Bwana tu wakati mambo yanaonekana kwenda sawa, lakini hulalamika wanapokabiliwa na matatizo. Haipaswi kuwa hivyo. Bila kujali hali au mazingira yako ya sasa, unapaswa daima kumshukuru Baba. Mwabudu na msifu Yeye, haijalishi nini! Nitakueleza hadithi.

Miaka kadhaa iliyopita, mkristo mmoja ambaye alifanya kazi na serikali alikuwa akiomba na kutarajia kupandishwa cheo kazini kwake. Kisha, kulikuwa na tatizo ofisini kwake; alishtakiwa kwa mambo fulani, ambayo hakuwa na makosa nayo. Kwa hiyo, aliomba kwamba Mungu angemthibitisha kuwa hana hatia. Badala ya kuthibitishwa kuwa hana hatia, alitangazwa kuwa na hatia, na kwa sababu hiyo, alipunguzwa cheo. Kila kitu kilimwendea vibaya. Katika hali hiyo, hata hivyo, aliendelea kuhudhuria ibada za Kanisa, akihudumu na kumwabudu Bwana, akiwa na uhakika kwamba Mungu angemthibitisha kuwa hana hatia.

Si muda mrefu baadaye, kulikuwa na mabadiliko ya serikali, na wote waliokuwa mbele yake walifutwa kazi, lakini yeye alibaki! Na kwa kuwa wakati huo alikuwa ndiye mwandamizi zaidi kati ya wale waliobaki, akawa bosi mpya. Kama angepandishwa cheo kama alivyokuwa akitarajia, angekuwa miongoni mwa wafanyakazi wakuu waliotimuliwa na serikali mpya.

Wakati mwingine, hatuna wazo lolote la kile Bwana anachofanya nyuma ya pazia kwa niaba yetu, ndiyo maana Biblia inasema, "Katika kila jambo mshukuruni: maana hayo ndiyo mapenzi ya Mungu katika Kristo Yesu kwenu" (1 Wathesalonike 5:18). "Katika kila jambo" maana yake ni "katika kila hali"; mshukuruni Yeye haijalishi nini! Unapoangalia mwaka kwa mtazamo wa nyuma, uwe na furaha na msisimko katika roho yako, ukimshukuru Bwana kwa ushindi na utukufu unaotarajia katika siku zijazo...